A Biblioteca Municipal de Betanzos e o Museo das Mariñas organizan para o vindeiro 24 de outubro, Día das Bibliotecas, o primeiro paseo libresco para coñecer diferentes aspectos dos libros, as letras e as bibliotecas en diferentes puntos da cidade.
A visita, que comezará na propia Biblioteca, percorrerá diferentes rúas de Betanzos coñecendo historias que ligan á capital do Mandeo co mundo literario e bibliográfico.
Dende a Crónica Troiana ata Virtudes (e misterios) pasando polas bibliotecas particulares máis destacadas, os libros prohibidos ou a propia historia da Biblioteca Municipal. O percorrido rondará os 2 quilómetros de distancia e a actividade terá unha duración de aproximadamente dúas horas.
A actividade é de balde e conta cun aforo limitado polo que hai que realizar a inscrición previa no correo electrónico do Museo das Mariñas museodasmarinas@betanzos.net ou no teléfono 981773693.
