O vindeiro venres 21 de febreiro preséntase no Cine Alfonsetti o documental “Jesús Núñez, mestre de mestres” producido pola Asociación Sociocultural Zona Hadal e a área de Cultura da Deputación da Coruña.
Neste proxecto repásase a vida do artista Jesús Núñez, o betanceiro ideólogo da Fundación CIEC. A través de testemuñas de amigos, familiares e antigos alumnos faise un repaso a toda a súa biografía.
Dende a BAM Betanzos colaboramos con este proxecto. Por unha banda ca participación do director do Museo das Mariñas, Ángel Arcay Barral, e ca cesión de pezas e imaxes que temos no museo depositadas pola Fundación CIEC: o cartel da primeira edición das balconadas, fotografías familiares de Jesús Núñez ou diferentes obras do artista.
A proxección terá lugar no Cine Alfonsetti e a entrada será de balde ata completar capacidade.
