Dende xaneiro ata marzo tivemos no Museo das Mariñas unha nova exposición temporal, desta volta dedicada á mostra “Betanzos histórico y monumental” realizada por Andrés Freire en 1978 na sala de exposicións do BBVA de Betanzos.
Andrés Freire, un militar de orixe ferrolá, pasou pola nosa cidade en diversas ocasións durante a segunda metade do século XX, debuxando diferentes recunchos da cidade co seu rotulador flo-master. En 1978 celebrou unha exposición cos seus debuxos brigantinos, vendendo a maior parte deles, tal e como quedou reflexado nun listado de compradores que se conservaba no arquivo do artista.
Tirando do fío dese documento, a súa filla Gracia Freire logrou recuperar temporalmente boa parte das obras para ser reunidas e compartidas de novo, xunto a outros debuxos realizados nas rúas de Betanzos.
Cuando la inspiradora Betanzos encontró a Andrés Freire Conde: https://www.elidealgallego.com/articulo/betanzos/cuando-inspiradora-betanzos-encontro-andres-freire-conde-5120022
Máis información: afreireart.com
